前新聞小花周嘉儀自從轉行做興業證券市場拓展部董事後，開咗個自己嘅fb專頁，更新之勤力程度仲令人幾乎以為呢個先至係佢正職。
昨日一早就將專訪貼上fb專頁大讚，仲話:「多謝大家錫我」，加兩個kiss kiss emoji，網民紛紛留言同佢講早晨，叫佢著多件衫，飲多啲水……嘉儀BB都盡量回覆。唔主持《香港早晨》，原來仲多咗機會同嘉儀BB講早晨，lucky嗰日仲有回覆!
咁都唔係冇道理嘅，所謂要sell人就要先sell自己，所以就連當年踢爆佢同男主播兼有婦之夫許方輝「擦出火花」嗰本雜誌，佢最近都冇拒絕接受咗專訪，更揚言不怨不憎：「我好明白各為其主。」
至於點睇番自己當年同許方輝嘅一段關係？好想知喎……不過嘉儀BB就好淡然咁話:「件事都發生咗，再回頭望又有乜嘢意思？不如向前望啦。」前門後門全部都封晒。