政改呢場仗係就係好重要,但對於社民連長毛梁國雄嚟講,喺審議財政預算案時拉布以求爭取全民退休保障,一樣要高度重視,所以長毛噚日為咗要留喺議事廳辯論預算案,以免因為喺林鄭公佈政改方案時因為抗議而俾曾鈺成趕離場,一直忍辱負重留守喺自己個位默默抗爭。
長毛亦把握機會就政改方案向林鄭提出質詢,點知工聯會王國興就質疑長毛只係發表意見而唔係向官員提問,但曾主席聞言後卻反嘲話,好高興王國興睇得出有呢個問題,因為之前王國興發言時立下咗好壞嘅先例!
唔少泛民聽完笑笑口,話作為首個提問嘅建制派,王國興發言時用咗近3分鐘擦林鄭鞋,又講「人生有幾多個10年」等,都冇向林鄭提問,難怪曾主席今次幫理不幫親嘅。