【壹週刊】一場佔中運動撕裂社會，更禍延到男女關係，有港女因警察形象負面，而發起拒絕警察做男友運動。
上月facebook便出現一個名為「港女謝絕黑警男友Say No To Dirty Cops」的社群，內有過百幅港女性感自拍照，她們僅穿蕾絲內衣，大晒事業線、小蠻腰及白滑長腿，看得人眼花繚亂。但誘人的身軀都伴隨一張標語，各自用她們的語言，表達對警察的憎恨，潛台詞是「黑警永遠溝唔到我」。
版主小莊公然挑機叫黑警食自己，源於在雨傘運動中的個人經歷，因為她聲稱親眼目睹警察用警棍把示威者打到頭破血流，「相當之不滿警察，覺得佢哋無為自己做過嘅錯事而羞愧，甚至好似中咗梁文道所講的『路西法效應』咁，即係俾咗個名銜佢哋，就好似中咗毒咁，當正自己係權威所在，仲要為共產黨效忠，我唔會對佢哋有一絲同情。」
直到上月，有一天她靈機一觸，想到以一人一相的方式，去痛斥警察惡行，同時呼籲公眾毋忘初衷，繼續爭取真普選，「台灣都用雞排妹做吸引點，把學生運動宣揚得更廣，我就諗，香港好似好缺乏呢種人做市場推廣，令件事傳開去。」
小莊先找來兩名女性朋友幫手放出乳溝及長腿照，性感吸睛大法一出，兩日內，like數已急升一倍至四百個，「之後收返嚟嘅，都係身材火辣嘅靚相，有個人直頭話第一次咁性感。」
拋胸露腿，成為港女對警察不公的控訴手法，瞬間吸引逾一萬四千個like。
iPhone版下載：
http://goo.gl/1SDaWF
Android版下載：
http://goo.gl/xfQS8D
壹週Plus網頁：
http://nextplus.nextmedia.com/