費清最近喺同事枱面見到支香薰，嚇一跳，樽身寫住：「New car scent」，即係新車味。好多人都覺得新車會有異味，尤其係car seat嘅新皮味道，點會有人鍾意聞，仲攞嚟做香薰？
費清打開聞吓，真係聞到類似皮革味道，但唔覺好難聞喎，反而幾香同醒神，但味道有少少「霸道」。
呢支係太古坊新推嘅「SMELL OF SUCCESS」（圖）新車氣味香薰油。SMELL OF SUCCESS，咁囂？太古坊解畫，香薰油係畀上班族有種揸新車嘅成功感覺。所謂新車味，係好似皮革嘅獨特氣味，味道主要嚟自檸檬、青檸果香，同少少麝香。
太古坊同店舖合作，搞「NOT ANY PLACE」系列新產品送畀顧客，大家可喺4月24日、30日中午12時起到太古坊網頁（ http://www.taikooplace.com）登記，免費訂新車味香薰油，或「ACRES OF SPACE」青草香氣蠟燭。
成功定義人人唔同，唔使揸新車，就算搭港鐵坐巴士，只要活得開心、令身邊嘅人快樂，都係一種成就。
費清
＃要生計，也要生活
＃毋忘初衷