喺渣打（香港）工作近廿年、曾任中小企業理財總監嘅顧韻嬋（Betty）今年初離開，原來佢兩個月前已經悄悄加盟法巴，新職銜係法巴亞洲區零售銀行聯席主管。
任職渣打期間，Betty先後從事過企業銀行、審計部、本港及內地中小企業務、公共事務主管等，跟大中華區行政總裁洪丕正、前集團大班戴維思等，都共事唔少日子，好多瓣銀行業務都掂過，但偏偏未涉足過零售銀行。
據了解，法巴喺區內亦冇零售業，若果勉強計算，2005年佢哋戰略性參股內地城商行南京銀行，同埋法巴集團旗下法巴租賃舊年戰略性入股江蘇金融租賃，都算間接搭上零售業務。
渣打近兩年，集團高層不斷大換班，Betty跳槽，唔知係早着先機，抑或想挑戰自己呢？