文家良馬房旗下的「辣得很」這天(21日)出試沙田第一組1200米泥地大閘，由韋達重新接手，出閘反應敏捷，跟前之下直路從容透出，以強勁走勢拋甩亞軍泥地惡馬「勁開心」逾兩身位，「風調雨順」就跑第三。
3歲的「辣得很」本月7日在港初出爭三班田草1200米，韋達操過卻棄騎，益了梁家俊，56倍大冷門鏟入一席Ｑ腳，只不敵「龍城勇將」而跑贏韋達揀騎的「萬事欣」及「正大光明」，可見「辣得很」的潛力極高。本來此駒跑開且有好表現，毋須安排試閘，但馬房仍然咁做，無非加強催谷，希望隻馬嘅狀態起得更佳，短期內可以出擊得手。今課閘所見「辣得很」走勢相當矚目，相信文家良應該好滿意，5月3日有田草三班1200米賽程，如果「辣得很」肯報名，唔難成功贏馬補中。