入行30年的草蜢上周末在廣州舉行首個演唱會，除了獲當地歌迷捧場外，還吸引了香港、北京、上海、成都、浙江和新加坡等地的歌迷去睇騷，全場逾萬名觀眾情緒高漲，站起來和草蜢又唱又跳兼揮動手機電筒大合唱，場面震撼。蔡一智在台上感動地說：「我哋草蜢等咗30年，終於嚟到今晚，你哋唔好當睇演唱會，當係嚟參加草蜢30歲生日party！」最後草蜢更與觀眾大合唱《永遠愛着你》。
蔡一傑就在完騷後說：「今次係第一次喺廣州開騷，我哋籌備咗好耐。喺台下等候出場時，聽到台前一熄燈觀眾嘅尖叫聲，好感動！」至於早前被愛犬咬傷的蘇志威帶傷上陣，他說：「我哋唱《Lonely》嘅時候，全場觀眾開着手機電筒，搖吓搖吓，好似天上嘅星星，好靚，好感動。」稍後他們將到拉斯維加斯和內地多個地方舉行巡唱。
撰文：唐心悠