中文大學文化及宗教研究系嘅三個碩士課程，每年都會舉辦同當下香港有關嘅小型展覽，等學生有實習經驗，今年就以雨傘運動為主題舉辦「雨傘節」，透過視覺藝術、舞蹈、獨立短片同棟篤笑等唔同嘅藝術形式，回應傘運。
文化管理文學碩士課程主任何慶基係雨傘節統籌之一，佢話以「節」去紀念傘運，可以預計會受到抨擊，「其實係值得去celebrate，雨傘運動唔係慘淡收場，係方興未艾，變成遍地開花」。
何慶基話今次呢個跨媒介藝術節，並唔係要代表成個運動或做總結，只想好似佔領期間咁「有機」、包容同開放，容納唔同聲音。
雨傘節下月17至31日喺石硤尾賽馬會藝術創意中心舉行，部份環節須購票，詳情可睇佢哋fb： http://goo.gl/9GTxZD。