之前「忠義民團」發言人阿Man公開向熱血公民黃洋達挑機打擂台，雙方簽晒生死狀，呢單「盛事」梗係全城關注，先挑機嘅阿Man當日向皇上下戰書，曾揶揄皇上唔現身接戰就係縮頭烏龜，點知𠵱家輪到阿Man疑似縮沙，又到熱血起晒鑼鼓，唱阿Man走數同賴皮。
話說最新一期《熱血時報》有篇文，力數阿Man由同皇上簽生死狀開始，點樣不斷搬龍門唔找數，包括反口要以泰拳形式比賽，而非原本話嘅MMA（綜合格鬥），又話邀請咗富德拳館擔任賽事統籌同策劃，但事實係根本未落實任何安排。
今次俾熱血捉到正，仲唔唱阿Man同藍絲走數咩，仲話「擂台戰能否最終上演，至今仍然是一個謎」。