最近大家都話自由行數目減少，令高檔零售市場進入寒冬，超貴價手錶、手袋品牌亦紛紛因應滙水下跌而減價，華華近期行過希慎（014）旗下銅鑼灣希慎廣場，亦發現地庫T Galleria局部圍板裝修，翻新完嘅部份，就係賣香水、太陽眼鏡同埋幾千蚊都有交易嘅名牌錶。
希慎廣場2012年底開業，DFS旗下T Galleria係大租戶之一，租咗兩層，地面一層主要賣化妝品，地庫就賣閒閒哋講緊萬萬聲嘅貴價鐘錶珠寶。睇佢哋重開部份所賣嘅貨品價格，大概估到餘下舖面所賣嘅產品，價格應該相對大眾化啩，做生意最緊要都係有生意啫。