【本報訊】水貨客逼爆各區，港人怨聲載道，中央終在最近將一簽多行改為一周一行，身兼行政會議成員的經民聯林健鋒認為，有關調整雖能暫時紓緩香港的擠逼情況，卻同時惹起深圳政府及當地居民不滿，他呼籲港人調整心態，對中央惠港政策不能「有事鍾無艷，無事夏迎春」，否則中港矛盾只會加劇。
記者：陳雪玲
政府力推中港融合之時，兩地磨擦卻因為自由行問題加劇，要求取消自由行之聲日熾。林健鋒接受訪問時指，理解部份港人因為水貨問題受到滋擾，認為有需要改善政策，但認為就算新政策有效打擊走水貨問題：「水貨客唔會冇晒，（水貨）集團最多搵多幾個人，賺少啲」。
他認為調整政策之時，港人心態也應調整，指自由行政策是2003年沙士後，中央因應香港百業蕭條而推出的惠港政策，結果香港經濟在短時間內由谷底回升，沒料到卻換來要求取消之聲：「12年之後你話唔要人（內地旅客），畀人感覺係『打完齋唔要和尚』；有事鍾無艷，無事夏迎春。」
他直指香港回歸後，中央特別關顧香港，已令內地城市「呷醋」；日前中央更因應港人訴求而將一簽多行改為一周一行，難免令深圳政府及居民不滿，「好似深圳居民會話，點解香港人去深圳唔受限制，反過來佢哋就要一周一行？你都睇到（內地人）喺網上媽媽叉叉，你哋都要明白人哋感受」。
「港人成日去羅湖掃貨」
長遠若然要解決中港矛盾，林認為港人須易地而處，「我哋呢度（香港）投訴嘅人，好多都去（內地）買平嘢、日日去買餸，（但）人哋嚟你就唔高興……香港人以前咪一樣又係成日去羅湖掃平貨」。
他並指一兩個「激進議員」帶頭反對內地旅客，「一傳十、十傳百，當港人唔歡迎內地人嘅訊息傳到百時，就會出現抵制香港嘅聲音」，形容有關行為「有破壞、冇建設」，但否認反水貨客的抗爭行動成功迫使中央修訂一簽多行政策。