【本報訊】特區政府與泛民同樣擬就政改發動地區宣傳戰，身兼立法會主席的民建聯曾鈺成昨指，若雙方都專注於動員民意，「只靠民意戰係唔可以令問題有個圓滿嘅出路」，他認為中央、港府與泛民見面溝通，一定有好處，有助凝聚共識，反問：「政府不斷宣傳點解支持（政改），泛民亦宣傳反對，點可能達成雙贏局面？」
對於政府欲以民意逼泛民袋住先，立法會議員湯家驊認為此舉沒意思：「將來係咪乜嘢都用民意去解決呢？如果係咁，我哋唔使做議員，你搵（港大民意研究計劃總監）鍾庭耀做（議員）就得。乜嘢問題都唔使討論，淨係睇民意，我認為咁樣係違反代議政制。」
湯家驊將隨團訪京
湯家驊又稱一定會否決政改，又大嘆已不欲再回應外界會否轉軚的問題：「你信我就信我，唔信我嘅，我講一萬次都冇用。」另外，湯家驊決定下周一隨大律師公會訪京，期望此行能與主理香港政改的相關官員會面，指即使訪問團對政改沒有用也要去：「如果每一次因為冇機會就唔做，我諗樣樣嘢都唔使做。」
行政會議成員張志剛昨於一電台節目則指，民意調查顯示逾半受訪市民支持通過政改，無論在情、在理、在法都沒理由否決政改，指泛民即使不理民意都應講道理，指泛民議員閉起雙眼投反對票是很可悲。
■記者陳雪玲、姚國雄