隔牆有耳：
藍絲自拍撐買水炮車 - 李八方

正如警務處處長曾偉雄Andy話齋，你哋班市民又唔畀警察用警棍、又唔畀用催淚彈，唔通真係想等警察蹺埋雙手咩？

一班Andy哥嘅支持者，就係睇唔過眼你班黃絲唔畀警察買新裝備，於是乎，佢哋喺「佔中不代表我」嘅facebook度，轉咗張「支持購買水炮車」嘅cover photo，仲發起一人一相運動，人人手持支持字句自拍，唔少市民係露臉拍照支持㗎，有人仲寫上「唔食飯都要水炮車」，彰顯佢哋呢份愛國愛港愛警察嘅高尚情操。藍絲嘅忠實代表Man哥後來都有po相以示支持㗎。
呢單嘢吸引到唔少網民留言熱烈討論，有人話估唔到中共以前嘅「寧要核子，不要褲子」今時今日都仲有市場，亦有人覺得水炮火力唔夠，支持香港警察買AK47、買坦克，甚至買高達喎。