朋友Connie一歲嘅仔深深嚟費清屋企，大人梗係又飲酒又飲汽水啦，小朋友就只可以飲果汁。當大人扭開支可樂，吱一聲，深深當堂眼望望，但Connie唔畀佢飲。雖然深深咁得意，但大家都唔敢阻人教仔。
＃兒童時段不會出現
費清同可口可樂公司高級公共事務及傳訊經理余韻賢傾開，問佢點睇𠵱家啲家長唔畀小朋友飲汽水。佢話都明白呢個情況，而其實可口可樂內部都有一個指引，就係唔會主動向12歲以下嘅兒童賣廣告，包括電視、雜誌、報紙廣告，連Social media都唔得㗎。
佢解釋，若果傳媒嘅目標觀眾，35%係12歲以下，可樂都唔會喺嗰度賣廣告。佢話例如唔會喺電視嘅兒童時段賣廣告，或者報紙嘅學童版都唔會見到佢哋嘅廣告。
佢話，呢個政策係全球性嘅，包括香港都會執行。費清翻查資料，美國唔少州分其實都有法例規定，唔准汽水公司向12歲以下兒童賣廣告，但香港就冇呢個法例規定。不過咁，𠵱家嘅細路成日上網，要控制佢哋睇乜資訊一啲都唔易。
費清 ＃要生計，也要生活 ＃毋忘初衷