【本報訊】本身是立法會商界代表的林健鋒於訪問中也稱，調整一簽多行會對零售業有影響，「水貨客過唔到嚟，藥房、士多少咗人，攞貨少咗，舖頭用開四個咪減兩個」，估計上水及北區等地三成商舖或因此結業，短期內2,000至3,000僱員飯碗受影響，「就算唔係裁員，都可能冇人工加」。
他強調港人須將自由行與一周一行措施分開看，建議開放更多自由行城市，吸引高消費過夜內地旅客來港：「𠵱家自由行城市嘅居民來港，多數係旅遊、觀光，有時嚟過一次之後，可能幾年後先再訪港，政府應該考慮開放更多自由行城市作為填補」。他指政府長遠更須做好配套措施催谷旅遊業，包括開發新的旅遊景點及增加邊境購物城等，將訪港旅客分流。
■記者陳雪玲