前晚的香港電影金像獎頒獎禮可謂十分悶蛋，最精采是黃秋生上台頒發最佳導演獎時的一番踩線言論，敢言說：「我要真……係做司儀。大會話不如有商有量試吓頒最佳導演，袋住先。」台下拍爛手掌，有人大叫：「我要真普選！」
昨日問秋生前晚講的自度台詞如此踩線，不擔心被內地封殺嗎？他說：「我覺得係啲人要標籤我啫，咁我個人惹火都冇辦法，好似我係姓黃嘅，冇可能叫我改姓藍啫！」他還笑言：「我年年都係自己度講稿，咁我講啲嘢有人要偏聽，想自己想法，我阻止唔到喎！」而王晶早前曾在微博宣佈unfriend黃秋生，秋生前晚在台上講「講錯一兩句俾人unfriend就唔好啦」，鏡頭影着台下的王晶似笑非笑。
採訪：鍾國仁
