《大時代》今日正式重播,夜期同A股ETF期貨上周末已預先腳軟。本來咁多年來,丁蟹效應都燒唔到A股,不過有咗滬港通後,隻蟹已經可以爬埋過來。但人行周日突降準,劇情又有變。有內地戰友話,不用怕,因為我們有《小時代》,A股頂得住!
《小時代》電影由內地作家郭敬明執導,楊冪等偶像派明星演出,衫靚人靚,雖然被話係爛片,但票房勁收,同時亦可以帶動股市。2013年6月及8月,《小時代》1和2分別上畫,同期滬綜指跌到最低1849點後,開始反彈。2014年7月,《小時代》3上映,A股開啟此輪牛市。
《小時代》4其實已經拍咗,但受累柯震東吸毒案,要擱置上畫。據聞製片方刪咗柯震東戲份後,就快可以上畫。不過,雖然《大時代》已out,但以小撼大能否有勝算,值得期待。
黃尹華