超人李嘉誠旗下長和（001）與和黃（013）進行世紀重組，和黃今日下午2點將舉行股東會，畀小股東就呢單刁投票，中央證券登記亦嚴陣以待，派出80位員工到場為小股東登記，同埋點票計數，較今年2月長和就重組第一步舉行股東會時多50人。
中央證券登記董事總經理鍾絳虹指，和黃嘅實物股東與以往出席股東會嘅人數都比長和多，和黃有1萬名實物股東，長和只有4,500人。2月長和開股東會有500名小股東到場，和黃以往周年股東會都有1,000名小股東，佢估今日到場嘅小股東唔少。
為應付眾多小股東，又希望提高點票效率，於是佢哋就有80位同事去，其中大約一半係兼職，專門喺股東會高峯期或有需要時幫手。
鍾絳虹又提醒，想坐穿梭巴士由尖沙嘴去紅磡開會嘅小股東要留意開車時間，最好預早去登記。