雨傘運動唔只係對年輕人有影響，原來仲對有線電視前記者張寶華Sharon都有好大啟示。
Sharon因為見到記者喺雨傘運動期間採訪好辛苦、甚至要食催淚煙，覺得新聞自由好重要，傳媒值得多啲栽培，肯定唔係too simple sometimes naive，所以就同牛津（佢當年都攞過獎學金去牛津讀書㗎！）商討，自掏腰包整個獎學金，每年畀一個現職記者、不限年資或左中右派申請，以便到Oxford嘅Reuters Institute for the study of Journalism進修。獎學金最終名為Fellowship of Lion Rock Spirit，Sharon笑稱「唔想咁老套用自己個名為名、獅子山代表咗香港精神，啱晒傳媒」。
每年要資助10幾萬學費，Sharon笑稱都要慳啲。獎學金詳情5月待牛津公佈後會開始接受申請，預料7月面試，10月趕及開學。而現職寰亞傳媒集團高級副總裁嘅Sharon，據聞5月尾會離職咯。