科學世界浩瀚無比，科學知識學海無崖。港大物理系助理教授張世忠博士就係遊走喺絕對零度邊緣嘅學者，即係研究攝氏負273.1499999到負273.15度之間嘅冷原子物理，唔好問八方明唔明，只知道一聽落去就覺得好有型，仲好神秘。
張世忠博士話，超低溫下產生好多特別物理現象，近20年科學家利用超低溫環境發明各種超導材料，應用喺醫學用掃描器、磁浮列車、損耗極低嘅電線等科技。
張世忠博士最具代表性研究係「強相互費米子體系中的自旋輸運的量子極限」，獲得裘槎前瞻科研大獎，八方聽完，再一次感嘆好神秘。張博士話作為理論物理學家，雖然發明唔會即時能夠改變社會，但新理論有助研發新型超導材料。