【本報訊】啟用不足4個月的香港大學站通道多處漏水，港鐵要放膠桶接水，又在天花駁膠喉及帆布，封鎖部份通道，十分狼狽。乘客對此議論紛紛，有街坊質疑港鐵施工失誤，「啱啱啟用就有啲咁嘅問題，離譜」。認為港鐵要道歉，更擔心雨季來臨，漏水情況嚴重，希望港鐵及早補救。
「有少少離譜」
港鐵解釋，漏水事件與地下水滲漏有關，街坊葉先生指，香港大學站啟用只有幾個月，竟然發生漏水事件，質疑「係咪之前整得唔好」，他坦言擔心雨季來臨，漏水情況更嚴重，希望港鐵及早維修預防。附近街坊王先生指，日前乘港鐵經香港大學站出入時已發現B出口的天花漏水，「仲以為係冷氣機漏水」。
姓曾中五女生直言：「覺得港鐵工程同檢查兩方面工夫都做得唔夠仔細，好似西營盤站第一日啟用，成個地都係水，𠵱家呢度又滴水，兩個站都係咁，唔知點解。」擔心在繁忙時間影響乘客上班及上學，認為港鐵要道歉，並要盡速維修，「啱啱啟用就有啲咁嘅問題，有少少離譜」。
另一名姓陳中學女生亦指「前日開始滴水」，指車站落成不久，「咁快就開始滴水」認為港鐵要找出原因。
■記者溫文學