【本報訊】假醫生事件昨天成為聯合醫院最多人議論的話題，也令市民震驚，尤其是兒科病房的家長們都表示擔心，「醫院裏面有假醫生，匪夷所思」及「如果係拐子佬，ＢＢ都冇埋」。有病人家屬指醫院保安太兒戲，盼院方改善措施。
家長斥保安差
黃小姐（圖）的5個月大兒子因為腦部疾病，入住聯合醫院4C兒童病房接近一個月。她知悉院內出現假醫生後，不禁大吃一驚，並且認出該名假醫生，「佢喺病房睇病歷」。黃小姐說：「喺醫院裏面見到穿上醫生袍，就會覺得係醫生」，形容今次事件不可思議、「好得人驚！」。
另一名家長賴太，其1歲半女兒去年因尿道炎入住聯合醫院，昨日再帶同女兒返醫院覆診。她看過假醫生的相片後，表示並無印象，但對假醫生接觸病人表示：「驚呀！」會「睇實啲個小朋友！」陳太的1歲兒子早前因流感留院，她說：「有假醫生梗係擔心啦！醫院都有假醫生？」
有病人家屬及市民說：「如果係拐子佬，ＢＢ已經冇咗。」「成件事都好荒謬」，「醫院啲保安真係差，隨時搞出人命」，又稱讚發現假醫生的「護士姐姐，機警醒目」。
■記者文兆麟、簡明恩、劉永明