【求職宜忌】
青協過去幾年都有舉辦暑期工招聘博覽，青協督導主任鄧良順稱，根據過去多年觀察，部份年輕人搵暑期工過於揀擇，「好似搵老婆咁」，例如主題公園請人，「佢哋就會湧晒去個攤位等面試，總之一定要揀到心頭好」。
鄧良順指做暑期工主要為累積經驗，建議求職者「乜嘢都試吓」。工資方面，相信大部份職位只略高於最低工資，不應太介懷。鄧表示，初出茅廬的年輕人一般缺乏工作經驗，僱主要求不會太高，「態度最重要，面試時要顯示有誠意同認真，唔好畀人玩玩吓嘅印象」。衣着方面，他留意到過往有應徵者穿短褲及小背心面試，他認為有僱主或感到不被尊重，「有啲工着牛仔褲都可以，但條褲唔好穿晒窿囉」。
勞工處暑期工就業資訊網除提供空缺資料，亦有面試技巧、常見求職陷阱等。網址 https://www2.jobs.gov.hk/1/0/WebForm/information/tc/summer/index.aspx
■記者盧文烈