港視新劇《大眾情性》以喜劇形式大方談情說性，劇中陸駿光、黃美棋及林熹瞳的關係錯綜複雜，美棋BB分飾陸駿光的太太和女兒，林熹瞳是他的性伴侶，而美棋BB間接為兩人的純粹性關係添上愛。
陸駿光：感覺好真
日前他們三人到訪中環性商店，兩女隨手拿起店內女性用自慰棒冇尷尬，更以手指親身體驗男性用的自慰器，並大呼過癮好玩，笑言終於感受到男士的感覺，陸駿光說：「嘩！真係好似，個感覺好真。」提到早前有情侶公然在巴士站「打野戰」，問他們可會幻想在野外做愛？陸駿光說：「飛機個廁所、郊外都得，行行吓山做都幾搞笑。」林熹瞳即否決他的提議：「好多蚊蟲唔得囉，一定要好舒服嘅地方。戲院都幾好，好激情又黑又有冷氣。」美棋BB笑謂可以接受在無人的沙灘。
網民對《大》劇讚題材特別，三人演出時亦大叫過癮，美棋BB說：「陸駿光喺劇入面好open，食好多女，我係佢個女又係佢老婆，仲會捉佢哋偷食，搞到佢哋幾乎次次完唔到事。」陸於《大》中演繹肉食男感覺有趣：「香港男人就係講呢啲，個劇好大膽去講性，認識到大家想知嘅性知識。」他自爆與林熹瞳有車震場口：「個空間好細，但係要有動作，又怕掂到佢，係借位撞落車凳度，好辛苦。」
《大》劇接力收視穩
此外 ，《大》緊接《導火新聞線》後播映，收視成績尚算理想，上星期收視由每日平均點播5萬9微升至6萬2，上升百分之四點八；而每日平均直播用戶則由12萬3千微跌至11萬5千，下跌約百分之六點九。
採訪：盧妹
攝影：陳俊強
服裝：Doce Jennie（黃美棋）
場地：SallysToy.com