《蘋果》噚日報道，有騙徒利用亞視前執行董事盛品儒嘅相，製作假證件，透過facebook行騙，呃咗個台灣人妻15萬港元。
其實騙徒呢招唔算新，事關TVB前主播黃大鈞除咗兩年之前都試過俾人利用相片去徵婚之外，黃大鈞噚日喺fb發文話，原來最近仲有人用佢嘅相片做頭像，喺fb開咗個叫「陳明輝」嘅戶口，仲造埋假嘅身份證副本同一張致富證券卡片，想呃一個來自馬來西亞嘅女網友錢。
倡fb設認證機制
不過，好彩嗰位馬來西亞女網友機警揭發，後來仲嚟咗香港，同黃大鈞一齊報警。
黃大鈞話其實fb係咪應該有啲認證機制，以免俾人偷相亂開戶口，仲用個戶口去呃人，認為fb應該諗方法，令騙徒冇咁易招搖撞騙。