「如果早知有呢個病，我唔會結婚，唔會生仔，唔想害咗人，因為我個病係冇得醫！」盡量少飲水，怕去廁所浪費時間，是不少職業司機的想法，54歲的小巴司機浩強叔，亦不例外；可惜，當他醒覺這樣對身體不好時，已發現自己患了末期大腸癌。他只好每天服藥和定期到醫院打化療針保命，令他振作及感激的，是妻子不離不棄日夜照料和他兩歲大的兒子。對清茶淡飯及貧困生活也從不言悔。下月便是妻子的生日，浩強叔只望有心人捐助每年達40萬的化療針藥費，令他可續命報答愛妻：「希望可以拖住佢隻手一世！」
記者︰馮詩媚
做了15年小巴司機的浩強叔，因抓緊時間走多兩轉車，免得上廁所，多年來一向少飲水，飲食習慣可說是一塌糊塗。4年前經朋友介紹認識比他年輕15歲的妻子，兩人一見鍾情，很快便結婚，這時才開始有人照顧浩強叔的飲食；兩年前，太太更為他誕下兒子：「識到呢個老婆，至囝囝出世頭半個年，本來係我人生最開心嘅日子，直至有次同老婆行街，突然攪肚痛即刻跑去公廁，點知屙出一大灘血。」
當日，浩強叔走到醫院求診，經兩個月反覆檢驗，至2013年9月確診患上期第三期大腸癌，「當時陪老公聽醫生宣佈(化驗結果)，好似法官判決咁，嗰刻真係好難過。」太太哽咽地說。那天，浩強叔沒有回家，只在街上遊走：「自己都唔知想去邊，見路就行，個腦不斷諗個仔咁細，點算好！」
幾經朋友勸解，浩強叔只好面對現實，入院進行切除部份大腸手術，可惜病情沒有因做了手術而好轉。現時，癌細胞已擴散到浩強叔肺部，他回憶兩名胞兄都因不同癌症離世，時刻提醒自己要抱著平常心：「諗得越多身體只會越差，我當個病係傷風感冒，唔可以畀個病恰我，要去恰個病。」
陪伴浩強叔渡過每天，太太再難過，平時也裝出笑容，免得浩強叔擔心，不過訪問當日，正是他們約會4週年的紀念日，她難禁飲泣：「我老公對我真係好好，唔嫌我內地人，結過婚又生過仔，我同佢講，只要一家人一齊，那怕食清茶淡飯都好開心，就算佢有呢個病，有一日離開我同囝囝，都冇後悔過嫁佢。」
面對死亡，甚至化療衍生的不停屙嘔及脫髮，浩強叔毫不忌諱：「如果有日，醫生話唔再幫我用藥，我就乜都唔理，陪老婆去行長城還佢心願，我同佢講，有日我走(死亡)咗，要放開心情同照顧個仔。」
雖然政府已免收他們的公屋租金，但浩強叔一家只靠7千元綜援過活，實在負擔不起每月3.5萬的藥費，望善長們出點綿力，捐款幫助浩強叔購買化療針藥，讓他可繼續捱下去，「下個月係老婆生日，希望以後嘅生日都可以同佢過，拖住佢隻手一世。」
「蘋果日報慈善基金」迄今為浩強叔籌得逾14萬元善款，並已從S0003「醫療專戶」撥款3.1萬元支付第五個療程費用，惜近年不斷支付醫療開支後已所餘無幾，盼眾善長能為他的醫療費出一分力，令他不致斷藥。
「浩強叔」捐款編號：C3700
網上捐款： http://bit.ly/1nQRthE