薛家燕和朱慧敏昨日到銅鑼灣出席新書發佈會，家燕姐正開拍由周焯華（洗米華）投資電影《十月初五的月光》，她大爆老闆洗米華打本兼拉大隊到賭場玩，人人有斬獲，她說：「華哥一攞幾百萬泥碼畀大家，一鋪買十萬，我話唔使咁多，買一萬好喇，結果大家一共贏咗近廿萬，八個人分，我仲有份幫手甩牌。」家燕姐亦透露近日在股票市場有斬獲，不過仍呼籲炒股巿民要謹慎，以免損手。