相信大家都聽過，有人會喺坐小巴嘅時候唔敢叫落車，但係點都估唔到，一個歌手、一個喺民主運動企出嚟嘅人、一個敢於向大眾面對佢性取向嘅何韻詩，竟然都會遇到同一個問題。
昨日阿詩就喺網上貼咗張相，係佢坐港鐵同小巴嘅相，佢仲話：「慳錢一號又來了，N年無坐小巴，差啲因為無其他人嗌落車所以落唔到車。」
好多網民都有留言俾啲建議阿詩，好似話「唔好叫有落，唱出嚟。」「你一出聲一定比人認出來。」「聽到你聲會立即醒晒。」、「叫落車都係學問，太早無人理，太遲過站，加油！HOCCCCCCC！」仲有人介紹埋個幫你嗌落車嘅apps俾阿詩添。
而昨日有網民就開咗一個facebook專頁，叫做「野生捕獲hocc」，畀網民野生捕獲阿詩之後可以貼出嚟，版主仲提醒大家，一定要問過阿詩先好影，唔好偷拍，而過咗一陣，阿詩都like咗個專頁，唔知幾時先會有第一張野生捕獲阿詩相呢？