泛民轉不轉軚？賭五十萬？炒H股的師奶也嫌少呀。
唔袋講了N次；不如估吓用乜借口支持袋住先，大家扮吓政治評論員，有機會開口中：
一，中央枱底交易，一票一億，泛民都係人，都係跟曾蔭權、許仕仁一樣的香港人，點忍到手拒絕。
二，泛民決定轉型，做羅致光第二，狄志遠第三，或者黃成智第四。他們立定決心，深入虎穴，含淚做梁振英政府中的無間道、斯諾登。
三，轉軚那N位議員，轉與唔轉，下屆都是零機會連任。以一億博零，人之常情。
四，信自己，袋了，梁振英衰收尾，就靠我們這N票了。
五，太多人不懂政治，歷史會還我們這N位一個清白。我唔介意，等到2047。
六，別透露是那個中間人告訴我：唔肯袋住先的話，中意去「擺do」搵「杜普」的葉劉做硬特首。
七，消息說，如果我們唔袋，政府會大量訂購水砲車，連食環署都用水砲車射小販！梁振英會放寬IS自由行！為了救港，泛民不入地獄難道民建聯入！