政改方案出爐前夕，政務司司長林鄭月娥陸續約見泛民主派議員「撬票」，民主黨、民協、公專聯、葉建源等泛民議員，都係獲邀去到林鄭位於政府總部嘅辦公室詳談，但被坊間視為最有機會轉軚「袋住先」嘅衞生服務界李國麟（圖），卻竟然遭林鄭冷待。
李國麟噚日同八方吹水時透露，佢前日已經見咗政府官員講政改。原來政制及內地事務局長譚志源周三親自去咗立法會辦公室，同佢會面，李國麟話唔介意只獲局長而非司長親自接見，強調邊個嚟見我都見，「重唔重視呢啲嘢？都係perception（觀感）啫」。遭冷待唔通關佢呢一票特別易攞？政改表決之時咪知囉。