自去年底北車、南車獲批合併為中車後，兩隻A股幾乎日日升停。有內地傳媒統計，以而家南北車AH總市值計，將來合併後的中車，市值達1,390億美元，超越全球所有競爭對手市值總和！所以中國中車應該改名叫中國神車，因為市值實在太神奇。
據福布斯2014年全球企業排行榜統計，南北車最大的競爭對手、德國西門子市值為1,142億美元，法國阿爾斯通的市值為91億美元，加拿大龐巴迪為67億美元，日本川崎重工63億美元，加埋只係1,363億美元。全球最大飛機製造商波音，市值只為953億美元，都不及中國神車犀利。
2007年時，中石油A股一上市，股價衝到48元，總市值超越美孚、英國石油，成為全球石油一哥，這就是中國股市神奇之處，但最後結果係點？似乎內地股民都唔記得咗。
黃尹華