許志安昨日於九龍城為演唱會綵排，他表示個唱中將有一part約20分鐘的勁舞環節：「要好驚人嘅體力，𠵱家返到屋企個腦都不停咁諗住啲舞步。」安仔指由於個唱內並冇辣身舞，故他已構思了特別環節於台上「表演」，他笑說：「因為時間太緊迫，所以我諗住台上跳，順便當一個表演。」正為個唱苦練腹肌及人魚線的安仔，表示現在已練得6嚿半腹肌，問到許太鄭秀文可有讚他的身形？安仔笑謂：「問得好呀！都係一齊操啫。都有一齊睇video，佢都有俾啲意見我。」
由於是次演唱會開三面台，故安仔指可以有多點視覺效果：「𠵱家趕緊一個40呎高嘅半身許志安公仔，到時會放喺台中間，同呢個演唱會淨會喺香港做，唔會做巡迴。」
採訪、攝影：譚倩宜