日前女神官恩娜(Ella)俾本報拍得腹部微隆咁去買餸，女神有喜，可能未夠3個月，當日記者問到Ella，唱片公司方面就代為否認話:「唔係，佢都準備錄音，可能之前活動冇安排傳媒，大家好似冇見佢啫。」
不過昨日再有報道，有咗3個月嘅Ella，係冇諗過咁快「中獎」嘅，佢都急急停工請「陪陀加陪生」專人照顧，真係大陣仗。然後佢可能都知道紙係包唔住火，昨晚終於喺Instagram承認懷孕:「We would like to share this exciting news . . . JE SUIS ENCEINTE!(法文我懷孕了) 我們要宣布...我懷孕了！這是上天賜給我們最好的禮物！感恩！」女神張相連上面嘅拼字遊戲都砌埋「PREGNANT」(懷孕)呢個字，又好似刻意咗少少喎!