網上近日流傳一條口交片，短片中一名中女坐在梳化跟男子口交，由於女主角肥嘟嘟疑似是盧覓雪，傳聞有蠱惑仔開價十萬元向傳媒兜售。昨日本報致電向盧覓雪求證，她在電話哈哈笑說：「梗係唔係我，未睇都知唔係我。」
「睇製作好私人」
看了這條口交片後，盧覓雪也覺得跟女主角有點似，她說：「真係有啲似，佢又係肥肥躉躉，一個中年女子，粗眼眉，呢啲有啲似我，但其他冇忽似，自己肯定知唔係我。」盧覓雪還笑言：「我覺得似祥仔（阮兆祥）多啲，因為我覺得嗰個似男人扮，哈哈哈，我懷疑係祥仔扮，但佢冇嗰啲器官，扮唔到咁逼真。」
盧覓雪還問記者：「你睇咗條片未呀？睇完包你笑，我想笑乜你知唔知？呢條係堅嘅性愛片，但女主角表現實在太不濟太假，性愛嘛大佬，佢好似交行貨。呢條唔似係四仔片，相信係私人片唔覺意流出嚟，講真四仔嘅男女主角應該好可人好吸引，好明顯嗰對男女唔會吸引你眼球注視，睇製作好私人。」
被誤傳口交片流出有否唔開心？盧覓雪豁達說：「我又冇唔開心，因為性愛係好正常，人之常情。」
「我拍片要收錢」
盧覓雪續說：「如果有性愛片段流出，當然自己要負責任，一個負責任嘅人唔會隨便拍呢啲片，所以我從來冇擔心自己，我拍片要收錢㗎老友，做乜要拍啫。」問到感情生活，是否dry了很久？她又哈哈笑說：「成日講冇人信，我都想好似你哋諗得咁豐富。今日萬七咁多人send短訊畀我，朋友梗係笑，佢哋恭喜我咁happy。」
採訪：皓騫