【第34屆香港電影金像獎之女配混戰】金像獎下周日派成績表，最佳女配角戰火熾熱，兩位影后級人馬惠英紅及鮑起靜火併影壇新貴王菀之，「黑馬」郝蕾和薛凱琪亦準備突圍。惠英紅自信心最強，鮑姐看好王菀之彈出，薛凱琪則投票給前輩鮑姐，賽前各人惺惺相惜，老薑鬥新人，最終獎座花落誰家？
撰文：比華利、嵐山
薛凱琪（Fiona）今年憑電影《閨密》再次獲提名最佳女配角，戲中一改乖乖女戲路，飾演閱仔無數的情場高手，她日前在柴灣接受訪問，直言今次是一大挑戰，她說：「導演黃真真同我講，呢個角色係一線之差，可以令人好憎你，但亦有佢吸引人嘅地方。佢叫我做女版James Dean，拍嘅時候要好有挑逗性，所以場場戲都要飲酒壯膽。」Fiona更與戲中好姊妹陳意涵和楊子姍成為好友，她說：「我幾時都覺得girl power係犀利過man power，我哋𠵱家都有個微訊群組叫『八婆』我獲提名佢哋都有恭喜我。」
滿懷信心
今年最佳女配角的對手非常強勁，Fiona說為了不讓fans失望，一定要對自己有信心。不過Fiona卻將自己一票投給鮑姐，她解釋：「我成日覺得投番畀自己好老土，睇過鮑姐喺《暴瘋語》演得好好，而最佳新人我就投咗畀王菀之。」
化妝：Jessica Chan
髮型：Car of Pop 8
服裝：Jean Paul Gaultier
【最佳女配角提名名單】
惠英紅《那夜凌晨，我坐上了旺角開往大埔的紅VAN》
王菀之《金雞sss》
郝蕾《黃金時代》
薛凱琪《閨密》
鮑起靜《暴瘋語》
資料來源：香港電影金像獎協會