法甲二哥里昂正挑戰巴黎聖日耳門（PSG）霸業，周三聯賽主場出擊，面對下游分子巴斯蒂亞，贏波便可上榜首，鬥志必盛，熱捧「讓球主客和」「主勝」。（球賽編號：星期三3；無綫網絡電視302台明日0:30am直播）
里昂落後PSG僅一分，趁PSG今周中應付歐聯，里昂如順利全取三分，就可重返榜首，球員今仗必定落力。無疑里昂近期走勢不及季初平穩，前仗更爆冷被尼斯打破12場聯賽主場不敗走勢，幸上仗總算大勝甘岡反底，備受阿仙奴等英超球隊青睞的前鋒拿卡錫迪續有進賬，此子已累積25個聯賽入球，就算球隊有中場哥古夫及後衞查列等人仍因傷缺陣，但以球隊今季法甲15場主場取12勝，冠絕聯賽的主場威力，不難再大勝。
巴斯蒂亞上周六法聯盃大敗予PSG，冠軍夢碎下要返回現實，應付聯賽護級戰；但巴軍作客戰績實在差，三連敗之餘，面對強隊如PSG及摩納哥也悉數大敗。客軍今仗陣容不整，前鋒泰路加治、以及前英超兵施斯及史基拿斯均因傷缺陣，當中以攻入四球的泰路加治，對客軍攻力影響最大；加上近六次作客里昂只得一和五負，今戰不值支持。
文：牽牛
識睇，一定係睇足英台【英波Live】：
http://soccer.appledaily.com
http://bit.ly/engballlive