鮑起靜於2009年憑電影《天水圍的日與夜》摘下影后，先後又憑《千言萬語》、《忘不了》和《月滿軒尼詩》三度提名香港金像獎最佳女配角，惜三次都未能染指該獎。今年再憑《暴瘋語》提名的鮑姐，在片中跟葉璇演兩母女，她親睹愛女被精神失常老公劉青雲掟落街，鮑姐說：「呢個古仔好寫實，現實又有單案係個仔虐殺雙親，生活壓力太大，爆出好多家暴事件，呢部戲正好畀訊息大家反思一下。」鮑姐表示拍這場戲時太投入，差點抽離不出角色：「演員有時會俾個角色困住，嚴重就會導致抑鬱，我拍呢場戲時都嗌到歇斯底里，我拍完個心仲有裂開嘅感覺，自己撫住個心仲好痛好痛，喊唔停。」
睇好王菀之跑出
問到鮑姐最佳女配角可有心水？她說看好在《金雞sss》有好表現的王菀之：「作為新人，佢有超水準表現，佢演技好突出，近年影圈用嚟用去都係內地女星，本地女星進步雖然慢，但都逐漸成熟，王菀之幾部戲都起到化學作用，同業其實邊個攞獎都係鼓勵。有提名對我嚟講都係一種光榮。」