【壹週刊】湯文亮早前接受本刊訪問時透露自己放鬆滙豐(5)轉投港交所(388),他析指:「以往我好鐘意滙豐， 但而家唔中意。我覺得歐智華（滙豐行政總裁）是金刀手，無論是做會計，什麼也好，都是負責炒人，炒完就要離開。每一間公司都一樣，蝕緊本，搵金刀手回來，炒炒炒炒。咁一定要再找一個元將，帶大家打仗。佢唔走，我唔買滙豐。我80億賣光滙豐，轉了那個港交所。」
至於點解湯文亮揀港交所呢?佢就笑笑口咁講:「陸東同我講三年內睇五百蚊，我就分析佢，覺得佢冇隱瞞債務，仲因為滬港通賺咗六千多萬，第二佢有派息有九成喎，同埋股市成交額有一千億，港交所嘅引擎就開動。」
港交所表現已超出料，成交額高達三千億，港交所亦創出三百元新高，湯文亮便有新部署：「而家個市太唔健康啦，我會分階段沽貨，大約沽三分之一，有胡唔食，罪大惡極啊！」他指出港交所跌穿二百元水平，才考慮再入貨:「好多140元入既會走貨，港交所會跌返落二百蚊。後市會抖抖，財不入急門。雖然財爺（曾俊華）出聲話冇爆煲，但而家高追港交所，同接火棒冇分別呀！
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/