唔少名人、闊太鍾意行逛嘅金鐘太古廣場（PP），噚晚舉行咗一場別開生面嘅花生騷，16位模特兒唔係行天橋，而係行扶手電梯，由太古廣場2樓浩浩蕩蕩咁落到1樓再行一圈，的確幾特別。
太古地產（1972）首次搵來旗下7個大嘅時裝品牌商戶，包括上海灘、Harvey Nichols、Max&Co.一齊舉行花生騷，示範春夏新裝。冇他嘅，太地零售業務董事江璣若今年初先至講過，太古廣場舊年嘅零售業務按年下跌6%，加埋近期本港整體零售市道都麻麻哋，佢當然要諗計搞旺個場喇。
