周三澳職獨腳戲，由榜首墨爾本勝利到訪第七位的布里斯班獅吼。由於勝利要全力爭勝以奪常規賽盟主之位，而獅吼近仗又不時有「神經刀」表現，故宜取入球開「大」。
由於目前排第三的珀斯光輝被褫奪季後賽資格，令目前以24戰得31分排第七的布里斯班獅吼可以踢季後賽（除非光輝上訴成功），因此，今役對獅吼來說，基本上是例行公事。不過，要留意的是獅吼在近仗放開來踢後，連續兩場聯賽都能擊敗對手，加上球隊踢法主動，而前鋒卡路查奴域又腳風順，故近八場就有七場開「大」。
前線齊章有前冇後
今迎勝利時，獅吼一眾攻擊主力如卡路查奴域、桑蘇拿辛奴及魯斯迪卡均可候命，但後衞丹尼爾保尼斯停賽，相信踢法會更加「有前冇後」，不難再次開「大」。
至於墨爾本勝利目前以24戰得44分居首，但與FC悉尼及珀斯光輝同分，亦僅多第四、五位的阿德萊德聯及威靈頓鳳凰一分，但少踢一場，因此，若要爭常規賽冠軍，勝利今役就絕對不容有失，球員戰意毋庸置疑。今訪獅吼勝利幾近「夫添」，主力如前鋒貝利沙及艾奇湯臣都能上陣，要取得入球亦無難度。不過，由於勝利上仗竟爆冷不敵紐卡素噴射機，而且近六次訪獅吼亦僅得一和五負，故今役勝利要讓平/半，就寧博獅吼下盤。
文：吾中
識睇，一定係睇足英台【英波Live】：
http://soccer.appledaily.com
http://bit.ly/engballlive