韋達上季失落冠軍寶座兼退至騎師榜第三位，今季繼續在雷神及潘頓前後夾擊下，佢起孖次數大幅減少，不過今期(15日)雷神及潘頓雙雙停賽，韋達一人獨大，有利他起孖甚至大演帽子戲法。
雷神及潘頓同時停賽，近兩季僅出現過一次，是今年1月1日元旦賽事，當日韋達憑「英才」及「喜益善」起孖。
今期「定做領袖」韋達鍥而不捨繼續騎，必有所圖，此駒乃葉廐王牌馬，今季四戰全配韋達仍未交代，上賽輸四分三馬位予「觀自在」得第三不算差，由韋達操好再攻一哩，有力打開勝門。
至於第一場「巴基小子」，已連續兩仗造出最快末段追得近，韋達該場操過「飛龍在天」都唔跑，揀騎前駒當然值得看高一線。還有第三場「飛翔星」，今季七戰全上名非冠即位，極度可靠，加上今仗再配韋達及排四檔，機會突出。