【拆局】
特首梁振英突然對撬泛民13、14票，通過政改表示有信心，不少泛民大感意外之餘，質疑梁振英「何來信心」，因為若人大8.31決定不變，除非中央尚有「王牌」未出，否則他們實在看不到任何泛民、包括最溫和的會轉軚，認為一切只是特區政府輿論戰的手段，「所以就算今日林鄭月娥同泛民見面，睇唔到佢可以說服到泛民」。
中央或有「王牌」未出
有泛民立法會議員直言，就算被視為最有可能被政府游說的泛民議員，如湯家驊、馮檢基、李國麟等，他們早已表明，只要人大8.31決定不變，他們不可能支持政府政改方案，「雖然泛民未必人人認同佢哋嘅溫和立場，但係反對人大8.31決定呢個問題上，我哋對佢哋係有信心」，認為一切只是特區政府輿論戰的手段。
另一名泛民立法會議員則表示，若果中央及梁振英所說的「有信心」有根據，並非玩弄手段，唯一可能是中央尚有「王牌」未出，「係乜王牌好難講，用黑材料唔定、又或係人大8.31決定外，另有其他政改承諾又唔定，目前好難講」，但他也同意，若在人大8.31框架下，「我敢講政府一票泛民都撬唔到」，所以他直言泛民今日與政務司司長林鄭月娥見面談政改，「睇唔到佢（林鄭）可以說服到泛民，佢根本話唔到事，畀唔到任何嘢說服泛民改變立場」。
■記者莫劍弦