立法會財委會轄下嘅人事編制小組委員會噚日再開會，就12個建制派議員話要逾期加入嘅申請再傾一傾。最峯迴路轉嘅係，身為委員會主席嘅梁繼昌席間講明因為民建聯蔣麗芸有出席、而其他11個議員都話無意出席，所以會先考慮處理元秋嘅申請，點知元秋卻主動求撤，點解呢？
元秋解釋過往議員都會承諾喺工務小組同人事編制小組之間，二擇其一，估唔到泛民呢一屆兩個小組都入晒：「我哋唔知道過去嘅承諾已打破，所謂明人不做暗事，你哋臨截止前加入，亦冇知會其他議員，我覺得你哋推翻自己承諾，非常冇口齒，背信棄義。」
佢話去年10月起申請加入小組，事隔6個月都未搞完，浪費納稅人公帑，覺得加入小組委員會已經冇意思，自行撤回申請仲好。