亞視遭政府拒絕續牌，但整件事中，最令政商界嘆為觀止的自是亞視最大投資者王征，連公司公告也涉嫌造假，自稱與港視主席王維基初步達成賣盤協議。有商界中人笑言，其實類似王征「吹水唔抹嘴」、視監管法規如無物的民企老闆，在內地比比皆是，特別是特首梁振英上任後積極搞內交，想吸引更多內地企業來港，難免令人擔心日後香港會否出現更多「王征」。
該商界人士對季陶說，其實類似問題，早在多年前內地民企來港上市時已存在，當時不少人已批評，民企來港上市前業績亮麗、招股書將企業前景描繪成一片大好，但上市不久就走樣，很多所謂發展承諾完全不兌現，幸好還有香港監管機構睇實，未致全面爆煲。
但該商界人士表示，隨着內地越來越多民企老闆想「走出去」，特首梁振英又大力推動香港扮演內地企業「走出去」的大門，內地民企老闆來港開公司，又或入股香港公司，已是大勢所趨，問題是他們不少人與王征一般，硬要將內地他們的一套用在香港，小則令香港下屬哭笑不得，大則隨時踩界，「好多內地老闆同王征一樣，將佢哋喺內地做生意嗰套用喺香港，成日覺得公司係佢嘅，自己想點都得，同佢講乜嘢法律規定、監管規例、守則，佢哋都完全唔理」。
他指王征以內地老闆手法管治亞視，可能只是個開始，「隨住越嚟越多大陸老闆嚟香港，香港嘅公司管治文化仲守唔守得住？會唔會仲有更多個王征跟住嚟？」
周一至周五刊出
季陶