今季日劇逐漸開鑼，由於焦點喺堺雅人同木村拓哉之爭，兩位大哥近日就不停宣傳。前晚堺雅人上咗節目《品味主義》，接受藤木直人等主持訪問谷新劇《Dr.倫太郎》，堺雅人講到以前曾兼職做過人體畫裸模，佢話當時覺得好醜，個藝術女學生只畫咗一筆遮住重要部位，堺雅人話：「當時我好想問點解唔畫多啲陰影呀？」由於堺雅人係佢個真名，佢又話好想改名，仲諗咗兩個好騎呢嘅名，分別係「堺波平」同「魚津萬藏」，似足壽司店名，結果被經理人反對！此外，同堺雅人合作《半澤直樹》嘅上戶彩前日宣佈有喜，新劇拍檔木村昨日出席活動時就向上戶送上祝福。
撰文：李村姑