港股狂牛，這星期根本連「冧巴」都毋須問，因為大市升勢已全面到你就算按錯「冧巴」，都很大機會仍可賺錢。不過，今轉搵唔少的朋友竟有點心淡地說，內地大媽們「升幾格就沽、跌幾格就掃」的trading pattern，近日在港股中表露無遺，港股已正式淪為內地散戶的遊樂場，仲要係無limit up、limit down的進化版。向來信奉價值投資的本港及國際投資者們，要如何面對？
事實上，雖說內地准許公募基金用港股通買港股的消息，是觸發是次升浪的主因，但其實這些基金，近日仍忙於修改投資章程，所以上周根本未趕及南下掃貨。有外資分析師就話，呢一轉「北水」是以內地零售大戶、以及他們的私募基金為主，內地II（Institutional Investors，機構投資者）尚未參與，估計他們走完一大輪程序後，5月才會抵港。加上海外資金亦開始重投港股，故無論你相信今次是否大牛市，港股起碼仲有一段期間可玩。
該分析師相信，隨着II開始投入市場，港股雞犬皆升的情況未必得以持續。雖然資金市下投資者對好的股票，估值可以好慷慨，以前是15倍，𠵱家可以30倍，但股票仍是有好壞之分，內地散戶買時一窩蜂，沽時亦然。對於fundamental真係差的股份，海迪唔啱聽都要講句：小心睇路。
海迪