李克勤昨日在黃竹坑拍攝搖滾歌《你最重要》MV，負責作曲兼任監製的譚詠麟（阿倫）親身到場助陣，聽罷克勤即場演繹後，阿倫說：「我專登為克勤做呢首歌，因為佢從來冇試過呢個風格，對佢嚟講係新鮮、陌生同少接觸。」克勤自嘲變了新丁：「校長話有啲歌我未試過唱，如果想行得更遠更耐，音樂路上就要有新嘗試。」
兩人在場繼續互相笑罵對方，克勤爆阿倫對上一次寫歌是22年前的事，阿倫則笑指曾要求克勤做鵪鶉，一切得聽從他的命令：「其實佢唔只做一隻鵪鶉，我仲要佢做蔗渣，好似蔗汁機咁樣，搾到完全唔覺得存在嘅力量。」
採訪：黃曉妍
攝影：陳俊強