盧炳耀（Ken）
高級攝影
入職年份：1994年
年資：20年
在亞視攝影部工作了20年的Ken，過去的工作是為藝人拍造型、劇照和負責當年出版《亞視周刊》的照片，他說：「忙起嚟12個鐘無休，辛苦得嚟開心，喺亞視20年，我最懷念一份『亞視情』，呢份情唔係間間公司有，每位同事之間好似家人，大家冇隔膜。」
Ken指林百欣（林伯）入主亞視期間最風光：「林伯易手，亞視興旺即走下坡，停劇cut製作兼縮減人手，𠵱家攝影部得番我一個。」Ken最擔心攝影房內珍藏自麗的時代開始保存的菲林：「呢啲全部係同事過去拼搏嘅心血，如果冇人理將來一旦送去堆填區，亞視嘅歷史就係咁消失世上。」Ken最想拿走是當年為經典劇《我和殭屍有個約會》拍的海報，他說：「蚊蚊（萬綺雯）真係點影都咁靚，記得當年拍第三輯嘅海報，佢曾為造型唔靚有微言，仲嚟影樓搵我要求換相。」