耀才證券（1428）一向最識得把握所有宣傳時機，近日北水南下炒到港股熱烘烘，耀才即刻捉緊呢個宣傳好時機，派出佢哋嘅生招牌，即係大隻佬股評人郭思治（郭sir）北上，本周六（18日）去到深圳舉行「中港股市及權證投資全攻略」講座，郭Sir仲懶神秘咁話，到時會帶多位神秘輪商嘉賓北上。
耀才喺深圳有一個諮詢中心，舊年7月開始營運，佔地超過3,000平方呎，可以容納300人。佢哋舊年10月已經率先以《滬港通》為主題舉行講座，當時都係由郭sir帶隊，帶埋耀才財經台一班靚女主播北上，向內地投資者講股。
聞說，本周六嘅投資講座，一樣係郭sir夥拍靚女主播，大隻佬郭sir可以吸引一班大媽嘅眼球， 至於靚女就人人都鍾意，呢個組合夠晒無敵喇！