黃守東（Jeff）
亞視公關及宣傳科高級經理
入職年份：2009年
年資：6年
每次亞視執董葉家寶「出巡」現身公開活動，亞視公關及宣傳科高級經理黃守東（Jeff）都會相伴左右。雖然Jeff只效力亞視6年，但對公司感情好深，自言「睇亞視大」。猶記得大前年逾百亞視藝人到北京參與55周年台慶，可能大家只會記得空凳掟壽包這一幕，但對Jeff而言卻有另一番感受：「記得開場時，入場見到一萬九千觀眾全部坐滿晒，百幾位藝人一齊喺台上唱台歌《萬里長城永不倒》，尤其唱到『問我國家那像染病』真係好有氣勢、好激動、好難忘。」
亞視最終不獲行會續牌，是Jeff覺得最傷感時刻：「當時我同執行董事葉家寶一齊聽到呢個消息，當下感覺係個心俾人抽咗出嚟一樣。我自細睇亞視，唔止係一份工咁簡單，真係有好深感情，嗰刻真係好失望同難以接受。」